IP Plans

آی پی پلنز

طراحی و راه اندازی سایت های اینترنتی، ثبت دامین، میزبانی وب، وی پی اس و سرور اختصاصی
همین اکنون اقدام کنید

صفحه نخست کابل پرس > ... > سخنگاه 76370

سلام بر شجاعی سرباز فداکاری که فاشیسم را خاکسترنشین کرده است

16 سپتامبر 2013, 17:41, توسط نظرمحمد مطمئن

د حکيم شجاعي کيسه ډيره اوږده او ګرمه شوه، په لومړی ځل چې کله د کورنيو چارو وزارت له خوا اعلان وشو چې حکيم شجاعي به نيول کيږي، د ارزګان د خلکو اميد وو چې دغه قاتل هزاره توکمه قومندان به د قانون منګولو ته وسپارل او په سزا به ورسيږي.

د حکيم شجاعي د ظلمونو ډير کيسې دي چې هره کيسه يې زړه بوږنوونکي ده، دغه توکميز جنګ ته لمن وهونکې قاتل يو ځل د خاص ارزګان د جلات خان اکا د کورنۍ ۱۲ کسان په يو ځای شهيدان کړل، جلات خان اکا په غوږونو ښه نه اوريدل، صحت يې خراب وو او تر ۹۰ کلونو يې عمر اوښتی وو، پر دي ګناه يې دغه د ډير عمر لرونکی سپين ږيری د هغه د کورنۍ له دولس غړو سره يوځای شهيدکی چې دهغه ځوي په پاکستان کې وو، شجاعي ويل چې ځوی يې طالب دی.

دوه نوي ځوانان چې د دولسم ټولګې څخه فارغ شوي وو، کابل پوهنتون ته دواړه وروڼه کامياب شوي وو، ددي له پاره چې خپلو لوړو زده کړو ته ښه لاسرسي ولري، کورنۍ يې په غزني کې ميښت شوه، دواړه محصلين د خپلوانو او دوستانو د ليدلو له پاره خاص ارزګان ته ولاړ، خورکۍ يې ميلمستيا ورته کړي وه، چې دواړه پر موټرسايکل د خور د کور پر لور روان وو، د شجاعي د ليوانو له خوا دواړه وروڼه شهيدان شول.

ديوې کورنۍ يو کم عمره ځوان هلک د شجاعي ليوانو نيولي وو، او هغه يې په پوسته کې ورسره ساتی، د هلک د کورنۍ دوه کسان د شجاعي د ليوانو پوستې ته د هلک د خلاصيدو او کورته راوستلو له پاره ورغلل، چې د دواړو مړې يوه مياشت وروسته په ليرې پرته سيمه کې پيداشول.

ویل کيږې چې په تيرو کلونو کې د شجاعي له خوا ۱۲۱ ملکي پښتانه په ډير ظلم او جبر سره وژل شوي دي او روان کال يې يو تن بل بې ګناه پښتون هم شهيد کی چې ټول ټال اوسمهال دده په قومانده او دده د وسلوالو له خوا ۱۲۲ پښتان وژل شوي دي.

د حکيم شجاعي د ظلمونو او ځورونو له امله د ولسي جرګې د شکايتونو کميسون ته د خاص ارزګان د پښتنو او هزاره توکمو وګړو له خوا څخه ۱۳۰ عريضې سپارل شوي دي

د ولسي جرګې د شکايتونو د کميسون مشر عبيدالله بارکزی وايې چې اتلس مياشتې مخکې موږ حکيم شجاعي د حکومت په غوښتنه او خوښه ونيوی، د کورنيو چارو وزارت ته مو تسليم کی، هغوی د جنايې جرمونو رياست ته تسليم کی، څلور ساعته وروسته د کريم خليلي په مستقيمه مداخله خوشی شو، د کريم خليلي په کور کې يې شپې وکړي او بيرته سيمې ته محفوظ ورسول شو.

بارکزی وايې چې د حکيم شجاعي د نيولو هڅې اصلا نه ولايتي اداره او نه هم دکورنيو چارو وزارت کړي دي، د حکيم شجاعي د اوسيدو ځای معلوم دی، د مالستان ولسوالي په يو کلي کې اوسيږي، اوس هم هلته دی. د خاص ارزګان څخه د غزني ولايت د مالستان تر ولسوالي پورې لاره کې اوس هم د شجاعي پوستې دي او شجاعي په ډاډه زړه په دغه لاره تګ راتګ کولای شي.

بارکزی وايې که هره اداره او هر څوک غواړي چې حکيم شجاعي ونیسي، زه چمتو يم چې د شجاعي د اوسيدو ادرس ورکړم، او خپله يې هم ورسره په نيولو کې مرسته کوم، اصلا دوی نه غواړي چې حکيم شجاعي ونيول شي.

بارکزی وايې داچې دحکيم شجاعي مسئله افغاني ده، نو ځکه له بهرنيانو سره پر دي مسئله د ولسي جرګې غړو خبري نه دي کړي، ولي د ښاغلي ولسمشر سره مخامخ د شجاعي د ظلمونو او قتلونه مسئله شريکه شوي.

شجاعي د امریکا د ځانګړو قواوو (سپيشل فورس) له خوا حمايه کيدی، د ولسمشر د دوېيم مرستيال کريم خليلې ملاتړ له ځان سره لري، او د جهاد او کورنۍ جګړې پرمهال د خليلي قومندان وو، امريکايانو ته خليلې معرفي کړي دی، دواړه بهرنيان او حکومت يې مرسته کوي

پښتانه په سيمه کې سلاح نه لري او ددي توان نه لري چې په تش لاس ددغه قاتل قومندان چې د امریکا د سپيشل فورس او حکومت ملاتړ له ځان سره لري مقابله وکړي.

د حکيم شجاعي اړوند ۱۳۰ شکايتونه او عريضي د ولسي جرګې د شکايتونو کميسون، لويې څارنوالي، اداره امور (دولسمشر دفتر)، کورنيو چارو وزارت او د سيميزو ارګانو لوی رياست ته سپارل شوي، دغه ډول دغه شکايتونه د بشر دحقوقو او اړوند نورو ادارو ته هم وړاندي شوي دي.

لويې څارنوالې د حکيم شجاعي د نيولو امر کړی، داچې د کورنيو چارو وزارت اړوند پوليس د بېلابېلو عواملو له امله ونه توانيدل او يا خو يې نه غوښتل چې شجاعي ونيسي، د دي ښکارندویې کوي چې د کورنيو چارو وزارت کې اختلاس، فساد، اړيکې ساتل او ددغه وزارت لوړ پوړي چارواکې د ولسمشر له دوېيم مرستيال څخه ويره درلودله.

اوسمهال چې د کورنيو چارو وزارت کې بدلون راغلی، د مجتبی پتنګ پرځای عمر داؤدزی راغلی، د ارزګان خلک هیله مند دي چې د شجاعي د نيولو په اړه به پريکنده عمل وکړي.

د ارزګان خلک د ارزګان له ولايتې ادارې څخه هم ګيله من دي، او وايې چې ولايتې اداره نه غواړي چې شجاعي ونيول شي، که چيرته د کورنيو چارو وزارت له خوا امر ورته کيږي، نو بيا ولي ولايتي اداره د شجاعي د لټون او نيولو هڅې نه کوي؟

داچې د کورنيو چارو وزارت ته شجاعي تسليم شو، او بيرته خوشی شو، همداسي د ولايتې اداره څخه هم د ارزګان خلک توقع نه لري چې شجاعي به ونيسي، ځکه په اصل کې له لويه سره د شجاعي د نيولو له پاره اوامر رښتوني نه دي، يواځي د ارزګان او خاص ارزګان د خلکو د غولولو له پاره د شجاعي د نيولو اعلانونه کيږي.

د ارزګان خلک د شجاعي د ظلمونو او قتلونو اصل مسؤل او شريک د ولسمشر دوېيم مرستيال کريم خليلې په ګوته کوی، ځکه چې د دغه قاتل څخه دفاع کوي، خليلې دی چې د کورنيو چارو وزارت او ولايتې ادارې ته ګوت څنډنه کوي چې د شجاعي په نيولو کې رښتوني مرسته ونه کړي.

د حکيم شجاعې مسئله اوس بايد چې افغان ولس له دولت سره مخامخ مطرح کړي، او پر افغان دولت دعوه وشي، چې ولي د ۱۲۲ تنو افغانانو قاتل نه نيسي، دغه قاتل اوس هم په هيواد کې دننه تګ راتګ کوي، لاهم د ده له ټوپکوالو څخه په خاص ارزګان او اړوند سيمو کې په ځانګړي ډول پښتانه په تکليف دي.

دا يواځي شجاعي نه دی چې ظلمونه او قتلونه کوي، دهغه ملګري محلي پوليس (اربکيان) ګرده ورسره په دغه قتلونو کې شريک دي، دا ډول هغه لوړ پوړي چارواکې هم بايد لويه څارنوالي، ولسي جرګه، مشرانو جرګه او وزيرانو کابينه تر پوښتنو لاندي راولي چې د حکيم شجاعي څخه دفاع کوي، د کريم خليلي سربيره ويل کيږي چې عبدالقيوم سجادي د غزني ولايت څخه په ولسي جرګه کې وکيل هم د شجاعي د ظلمونو او قتلونو څخه ننګه کوي.

داچې د ولسي جرګې د شکايتونو کميسون مشر عبيدالله بارکزی هم د ارزګان ولايت اوسيدونکې دی، او ځان ددغه ولايت د خلکو استازی بولي، دوی ته په کار ده چې د شجاعي د قتلونو او ظلمونو دعوه مخامخ له دولت سره وکړي، او دا ډول دوی کولای شي چې دغه موضوع ملګرو ملتونو او نړيوالو د بشر دحقونو ادارو ته وړاندي کړي.

زه پوره ډاډه يم چې حکيم شجاعي اوس هم په هيواد کې دننه دی، تر اوسه لاهم پر هغه دومره فشار نه شته چې هغه له هيواد څخه تيښتې ته مجبور کړي، ولي که چيرته د هغه د نيولو هڅې ګړندۍ شي ممکن چې ايران او يا کوم بل ګاونډې هيواد ته وتښتي.

نه پوهيږم چې تر کومه ځايه به د کورنيو چارو نوی سرپرست وزیر د شجاعي د نيولو هڅې وکړي، ځکه چې په پارلمان کې ګڼ شمير هزاره توکمه

وکيلان شتون لري، او نوی وزير دهغوی د اعتماد رايو ته اړتيا لري.

يوه لاره کيدای شي، چې پښتانه وکيلان په ګډه هوډ وکړي تر هغه وخت پوري نوی وزير ته د اعتماد رايه ورنه کړي ترڅو چې يې شجاعي نه وي نيولي

داچې انتخابات به کيږي يانه؟ يا داچې ښاغلی کرزی به غواړي خپل د واک موده وغځوې، په لويو غونډو او حتی که ممکن وي په راتلونکې لويه جرګه کې هم افغانان ولسمشر مخامخ پر دي پړ وګڼي چې د شجاعي په نيولو کې پاتي راغلي او بيا ځل د واک غځيدل ورسره ونه مني.

دغه ډول ګڼ فشاروه شته چې پر دولت راوستل شي تر څو د پښتنو قاتل شجاعي له خپلو ټوپکوالو ملګرو سره د خپل عمل په سزا ورسيږي

جستجو در کابل پرس