شاعران هزاره نوکران قوم فارس؟

الیگــوبیـــدبــوری بــامیــون قــومـو زدل بسته کنی پــیمـون قــــومو

رمه ره پگشی گرگ خانه گی خورد کجــایه بیخبـــرچــوپون قـــومو

تـــی تیـــاغ کـــو دِه سنگ پــلخمـــو خـطر پــیدا کــــده برگون قومو

نکـردی گوش گـبه تأثیرشِـی دیــدی جـورمیـده ای ده گـرد ون قومو

تو که ا حسـا س همـدردی نه د َری قــرت قــو سری پلوون قـــومو

کــمـره بــستــه کــو بلـــدی دیانـــت کنو کیش زاغ از خرمون قومو

هــمو روزشــوی یـک د ل ده آغــیل ده ا ولهـــزه سـرم قربون قـومو

نـــفاقه دِه چـپات اوقــره شی کورشه دویی ره گُـم کنه دوشمون قومو

تمـــام مـــو یک رقـــم هـــر کجــایی کـوتـه دراز نیـه دامـــون قـومو

بیه بلــدار مـــویه ازجــنس خالـــص نیه جوب جان کس چاپون قومو

هــزار چــشمه زیک گــیـرو و پـیـتو دوتــقسـیــم فایـده وتاوون قومو

نَصب یک نطفه یک، یک دین وایمو یکی درچهـره وچشموون قومو

تــوا زبــلــلومــن ازتـَیلــومیــآ یُــوم بــوبافیم ریشمه وریسپون قومو

نمونی ماخ دیــگه د ســـتایی غــیـره ولوبیگره ده دست آسمون قومو

ده جان مو نیش زده خون کده چوش شپــش ماننـــد تی پیـرون قومو

بَـلی اوقـــره مو بوده جـایشی اگــرو قـد ردو از خـودو مهمون قومو

حلوای سرخ وقبرغه داغ خوراکشی نه مـوخـورد لقمه ازتلخون قومو

کـــاسهء ســـرنــگون کبــرتــوغ کو ده خاک زد کِبرشیرروغون قومو

کــــده شـــــرمنــده ورســـوای عالم به والله زورد ست ارخــوان قومو

بچی از خود ده خود دارغه نگیری بیـــگا نه کی مـوشه درمون قومو

زمـان جــا د و خـانی گــشتــه تـامو ده سنگ تأثیرمونه فرموون قومو

بخــواهـــی یانخواهــی شــــد نی یه خــاره بـوره تی بـــا رون قـــومو

درگـه گـفـت وشنود هر سو شده باز بـه راستی رسیده دورون قـــومو

نـیـت وقصد کوتو هرسو که موری رسیـده ده خُـنک اسپون قــــومو

جــوا ل دوزه زدی مو آخ نگـــفـتی نزوچیـغ مردی از سوزون قومو

لیازوپاس دیـــگه جایشی نه منـــده کـــون توغی مونه مرد ون قومو

خوده کج کج نه کو ده راه راســتی نگـیـره پای توره قـبقــون قــومو

صــدای دلـخراش تـو گـوش کنه کر زپشــت پـنجـرهِ زنــد ون قــومو

دل رنجــیــده شــد تـیار شـی سخـته رفــو کی شـه د ل بیــرون قـومو

ده سال بیست سال نیه اِی راه ناقـی زچـنـد صـد باله یه در دون قومو

زمار آسـتی خـو مو زخـم خـوردیم مـونه جمله جهان پرســون قومو

عجـب تاریخ د ری بد پی نه موفتی ا زی خـاطرموگــوم اربون قومو

شهامت رستم وغیرت چــوسهـراب ز کـه کـم تـوره وگـفتــون قــومو

قــد یمــــه از هــمه هـــرسازوآ واز غیـچگ ود نبــوره پشپون قــومو

معــــطر لخ لخیه قول وقشــــــلاق زبــــــوی کمی وغیغـــــون قومو

حقیقت ره "نظری"تلخ وتند گفت

که تا هوشیار شوه نادون قومـــو