کابل پرس: خبری، تحلیلی و انتقادی



پذيرش > فرهنگی > تنیقلی ژورنالیست، محرر و مربی

تنیقلی ژورنالیست، محرر و مربی

محمود سعدی/ تنیقلی ژورنالیست، محرر و مربی

شنبه 11 فوريه 2012, بوسيله‌ى عبدالله تاشقین

موندن 72 ییل آلدین استاد محمود سعدی سمرقند ده توغیلیب وایه گه ییتدی. تاشکینت ملی دارالفنونیده گی ژورنالیزم فاکولته سینی بیتیرگندن کیین تورلی جریده لر و مجله لر اینیقسه "اوزبیکستان ادبیاتی و صنعتی" هفته لیگی ، "گلستان" مجله سی و "معرفت" جریده سیده، ژورنالیزم نینگ اینگ مهم، قیین و مطبوعات اوچون نهایت ضروری بولگن ساحه سی یعنی تحریر صنعتی بوییچه ایشلب کیلدی.

محرر سوزی حاضرگی اوزبیک تیلیده فارس تیلیده گی "ویراستار" سوزی و تحریر کلمه سی ایسه "ویراستارلیک" یعنی بیر یازمه ایش- اثر نی اونگه توزه تیشلر کیریتیب یخشیلش، آرتیقچه سوزلرینی آلیب تشلب، مؤلف نینگ غایه سیگه خلل بیرمسدن، مطلبلرنی افاده لاوچی سوزلر و عباره لرنی دقیقلشتیریش بیلن نشرگه تییارلش معناسیده ایشله تیله دی. محرر اوز فنی بوییچه متخصص و تورلی ساحه لرده کینگ معلومات ایگه سی بولیشی شرط.
م. سعدی حاضر اوزبیکستان جهان تیللری دولت دارالفنونی قاشیده گی خلق ارا ژورنالیزم فاکولته سیده اوشبو فندن درس بیره دی. یقینده شو فاکولته محصللری اوچون "تحریر صنعتی" اوقو قوللنمه سینی یرتدی، عین حالده مشهور"معرفت" هفته لیگیده باش تحریرچی بولیب ایشلب کیلماقده. او ادبیات شناس، تاریخ بیلیمدانی، کوچلی مترجم، "جمهوریتده خدمت کورستگن ژورنالیست" عنوانی ایگه سی صفتیده، جوده کوپ ادیب، شاعر و یازوچیلرنینگ اثرلرینی تحریردن چیقریب، نشرگه تییارلگن. قتتیق قوللیگی و اوز پرنسیپلریگه صادقلیگی، عین حالده صمیمی لیگی بیلن کتته شهرت قازانیب، ژورنالیزم بوییچه جوده کوپ استعدادلی شاگردلرنی تربیه لب ثمرگه ییتکزگن استاد.
ایککی ییل بورون استادنیگ 70 یاشگه تولگنی مناسبتی بیلن اوزبیکستانلیک تنیقلی یازوچیلر، ادیب و شاعرلر، منقد ومحررلر تامانیدن اونینگ حقیده یازیلگن مقاله لر، خاطره لر و او بیلن بولیب اوتگن صحبتلر مجموعه سی "قدر" نامی بیلن، 159 بیتده نشر بولگن ایدی. بیز اونده بیلدیریلگن فکرلردن ایریملرینی اقتباس ایته میز:
تنیقلی ادبیاتشناس، محرر، مترجم، یازوچی و شاعر ابراهیم غفوروف، "مستقل فکر ایگه سی" دیگن مقاله سیده، م. سعدی حقیده قوییده گیدیرنی یازه دی:

"محمود محرر بولیب توغیلگن ایدی. محرر بولیب ییتیشدی. فکرلاوچی، اویلاوچی، خلق منفعتی اوچون ایشلاوچی محرر بولیب منه نیچه اون ییل- اون ییللردن بیری، سوز مدنیتی، سوز حقانیتی اوچون کوره شیب کیلدی. قنچه دن قنچه یاشلر اوندن سوز اورگندیلر، سوزنی نان کبی اعزاز له ماقنی بیلدیلر.

محمود سعدی قنچه لب مقاله لر یازدی، ترجمه لر قیلدی، قنچه لب نایاب مقاله لرنی یوزه گه چیقردی.
کوز اونگیمیزده سوز مربیسی، تحریری استادی بولیب ییتیشدی. او عایله ده هم مربی، کوچه ده، ایشده، جماعت ایچیده هم مربی! او طبیعتا معلم.

بو معلم نینگ نگاهی توشگن سوز یشنب کیته دی! اونینگ قولیدن چیققن جمله تیریک جاندَیک نفس آله دی".
یازوچی و شاعر ایرکین اعظم:" بدیعی تفکرده گی ملیلیکنی، ملی غرورنی سقلش و اولوغوارلشگه بولگن تشنه لیک محمود سعدیدیک تجربه لی منقد و محررنینگ حیاتی مسئله سینی، ایجادی حیاتی نینگ اوزه گینی تشکیل ایته دی، دیسک مبالغه بولمیدی".

- م. سعدی بیر مصاحبه ده: "اصلیده تحریر ادبیاتیمیزده قدیمدن بولگن...نوایی بیلن جامی نینگ، نوایی بیلن حسین بایقرانینگ اوزلری یازگن اثرلرینی بیر بیریگه اوقیتیب، مصلحتلر آلیب، تحریر ایتیشلری اوقیمیشلی آدملرنینگ برچه سیگه معلوم، دیب اویلیمن. اولر دایم بیر- بیرلری نینگ اثرلرینی اوقیب محاکمه قیلیب بارگنلر، بیر- بیرلریدن اورینلی مصلحتلرنی ایه مگنلر. خصوصا حسین بایقرانینگ نوایی اثرلریگه محررلیک قیلگنینی اولوغ شاعریمیز نینگ اوزی قیته- قیته ایتگن. مثلا، "خزائن المعانی" گه کیریتیلگن اثرلر تحریریده حسین بایقرانینگ خدمتی کتته بولگنینی نوایی کوپ اعتراف ایتگن.

خلاصه شوکه، قدیمده اوزبیک کلاسیک شاعرلری بیر- بیرلری نینگ اثرلرینی تحریر قیلگنلر. بنابرین اوزبیک مدنیتیده تحریر صنعتی جوده قدیمگی پیتلرده هم انچه رواج تاپگن.
بو گپلرنی ایسلشدن مراد نیمه؟

دیمک، تحریر صنعتی ادبیات نینگ گللب- یشنشی اوچون، مطبوعات فکری نینگ خلق قلبیدن جای آلیشی اوچون غایتده ضرور صنعتدیر".

استاد محمود سعدی، نوایی اثرلری و اونینگ حقیده م. ت. آی بیک یازگن کتته حجملی "نوایی" تاریخی رمانیگه قیزیقیب کیلگن. شو سببلی، اونی اوزبیک تیلیدن دری تیلیگه ترجمه قیلیب، "ژوندون" مجله سی نینگ 1974 و 1975 ییللی سانلریده "ع . ح. ایلدرم" مستعار آتی بیلن «علیشیر نوایی» عنوانی آستیده نشر قیلگن استاد شرعی جوزجانی بیلن موضوع بوییچه صحبت آلیب بارگن ایدی. مصاحبه " اوزبیکستان ادبیاتی و صنعتی" هفته لیگی" نینگ 2005 ییل، 23 سپتمبر سانیده، "وفا و محبت اولوغ قدرتدیر" (افغانستانلیک شاعر، عالم و پوبلیسیست قانون و اجتماعی موضوعلر بوییچه یازوچی - ت عبدالحکیم شرعی جوزجانی بیلن صحبت) سرلوحه سی بیلن نشر بولگن. مصاحبه صمیمیلیگی بیلن بیرگه، نوایی و "نوایی" رمانی حقیده قیزیقرلی معلوماتگه ایگه بولگنی اوچون، بیز اونی کریلدن عرب الفباسیگه اوگیریب، بیر ایککی بِیت نشر بولگن ترجمه نمونه لری بیلن بیرگه، اولوغ شاعرنینگ 571 ییللیگی مناسبتی بیلن حرمتلی اوقوچیلرگه تقدیم ایتماقده میز.

IP Plans: Best Cloud Web Hosting

Professional web services including fully managed VPS and dedicated servers for businesses and individuals.

Domain Registration - Search and register your domains with IP Plans
Fresh Cloud Shared Hosting with IP Plans
Fully Managed Cloud and SSD VPS with IP Plans
Fully managed Dedicated Servers with IP Plans






93 تن همین اکنون این صفحه کابل پرس را باز کرده اند

پذيرش > فرهنگی > تنیقلی ژورنالیست، محرر و مربی

آگهی در کابل پرس

loading...

پيام‌ها

  • اکه این مقالهء نازنین و با ارزش را ..اگر به فارسی نوشته می کردی..همه استفاده می کردند...اما به زبان تورکی نوشتی....مثل این است که.. قبا لهء خانه رانوشته کنید و بگذارید در یخدان....غیر از خودت کسی را بدان دست رسی نباشد....بیا بنویس به پارسی..از این خیزک و جستن اک ..چیزی جور نم شود.. 4 مسلمانئ که کم و بیش با سواد مانده ان ها را دیوانه و بی سواد نسازید...

Kabul Press is the most read news and discussion website from Afghanistan. Our sources provide breaking news stories and images focusing on human rights, freedom of speech and good government issues. We aspire to honest, factual coverage that promotes criticism and informed discourse from our readers, without censorship.