صفحه نخست کابل پرس > ... > سخنگاه 29721
8 جون 2009, 12:02, توسط محمد علی تورانی
قوما کی خانینده موشه
قوما کی خانینده موشه زیبون خوره در ی موگه
رقمی ایرانی وری موناره بربری موگه
موگه ارکس دری بوگه او خیلی موتبر موشه
از قند وناباد ام کده توره شی شیرین تر موشه
موگه کی او بمو خودا دری چی خوب زیبو استه
امی خود شی ده اسل خو زیبونی آزرگو استه
موگه آرکس دری موگه دان شی کلو خوش بوی موشه
پیشنه شی اگه کل بشه او خود بخود پور موی موشه
آبی ره کی مادر بوگی مغزای کور مو واز موشه
بیه مو کی کوتا بشه پن شش قریش دیراز موشه
موشه ره کس میشه بوگه بینی شی یگ قریش موشه
یا او اگه کوسه بشه کلله شی پور از ریش موشه
از خاتیری دری موگه مو قومی پیش رفته استه
دیگرو ره پس پورته کده از پگ مو بر جسته استه
موگه امی دری یه کی ده دونیائی گومو موبره
آدم کی ده زیمی بشه یگ کئی ده آسمو موبره
موگه لوز ره کی مو موگی بیجای وبد نومود استه
آزره خودشی اید خیل نیه زیبونشی ام مولمود استه
قوما وختی دری موگه لبای خوره کیل کوز مونه
تاجیگ وایرانی وری کوشیش کده چی پوز مونه
قوما آرچی کی پوز مونه او فارس و نه تاجیگ موشه
غیتائی کی پوزینگ مونه دان شی یکرته جیگ موشه
مورچه کی دوره مار مونه میزنه خود خو اوگار مونه
بیبختی خو شیله ناقی خود خو قلم قچار مونه
رنگ و جیبار مو موغولی زیبون مو تاجیکی شوده
ای سادگی ره توخ الی اجب کاری چبکی شوده
آرکس خود شی مولمود استه زیبون موره مولمود موگه
ده آلی کی اید خیل نیه او خود خو کاردی لود موگه
آزره دری زیبون ازمو از خود خو نه از کس شوده
آخیر شی کی منزیل نیه ده او رقم را رس شوده
مو خانیندای مو آرقدر زیبون خوره دری موگه
دری گویا بسم موره موش خور وبر بری موگه
زیبونی غیر بلده ازمو زنجیری غولامی استه
زنجیر ارچی کی خوب بشه بلده مو بد نامی استه
زنجیری غولامی غدر بلده غولام شیری موشه
از پای خو اید خلاس ننه ده دیل شی خوب گیری موشه
محمد علی تورانی
قوما کی خانینده موشه
قوما کی خانینده موشه زیبون خوره در ی موگه
رقمی ایرانی وری موناره بربری موگه
موگه ارکس دری بوگه او خیلی موتبر موشه
از قند وناباد ام کده توره شی شیرین تر موشه
موگه کی او بمو خودا دری چی خوب زیبو استه
امی خود شی ده اسل خو زیبونی آزرگو استه
موگه آرکس دری موگه دان شی کلو خوش بوی موشه
پیشنه شی اگه کل بشه او خود بخود پور موی موشه
آبی ره کی مادر بوگی مغزای کور مو واز موشه
بیه مو کی کوتا بشه پن شش قریش دیراز موشه
موشه ره کس میشه بوگه بینی شی یگ قریش موشه
یا او اگه کوسه بشه کلله شی پور از ریش موشه
از خاتیری دری موگه مو قومی پیش رفته استه
دیگرو ره پس پورته کده از پگ مو بر جسته استه
موگه امی دری یه کی ده دونیائی گومو موبره
آدم کی ده زیمی بشه یگ کئی ده آسمو موبره
موگه لوز ره کی مو موگی بیجای وبد نومود استه
آزره خودشی اید خیل نیه زیبونشی ام مولمود استه
قوما وختی دری موگه لبای خوره کیل کوز مونه
تاجیگ وایرانی وری کوشیش کده چی پوز مونه
قوما آرچی کی پوز مونه او فارس و نه تاجیگ موشه
غیتائی کی پوزینگ مونه دان شی یکرته جیگ موشه
مورچه کی دوره مار مونه میزنه خود خو اوگار مونه
بیبختی خو شیله ناقی خود خو قلم قچار مونه
رنگ و جیبار مو موغولی زیبون مو تاجیکی شوده
ای سادگی ره توخ الی اجب کاری چبکی شوده
آرکس خود شی مولمود استه زیبون موره مولمود موگه
ده آلی کی اید خیل نیه او خود خو کاردی لود موگه
آزره دری زیبون ازمو از خود خو نه از کس شوده
آخیر شی کی منزیل نیه ده او رقم را رس شوده
مو خانیندای مو آرقدر زیبون خوره دری موگه
دری گویا بسم موره موش خور وبر بری موگه
زیبونی غیر بلده ازمو زنجیری غولامی استه
زنجیر ارچی کی خوب بشه بلده مو بد نامی استه
زنجیری غولامی غدر بلده غولام شیری موشه
از پای خو اید خلاس ننه ده دیل شی خوب گیری موشه
محمد علی تورانی