ارغیتا که یک شودی مو او غیتا اوگل موشی
بی بیم و بی ترس و بیباک تیر از ار کوتل موشی
دیست و پای خو او مجل ده ملک خود دیراز کیده
خوندیی آو و زیمی کوه و بوغول بغل موشی
دشمنو نیبور شوده بایین که مو یک دیست شونی
ارکودام تنا تنا تای پی شوده خاکمل موشی
تا ده کی ده رای خود خو چاه میکنی تالاک میلی ؟
تا ده کی قوده قوده دیرو شوده پلل موشی ؟
تاکه مو یکسرنشنی یکدیست نشنی یکدل نشنی
تا قیامت بار بورده بیگار شوده کوتل موشی
دوستو قومو و بیرارو کجایین تا ده کی ؟!
ارکودام مو دیست ده چوقو شیشته و ماطل موشی .
مو اگه ده فکر صوبای خو نشنی باد از دو روز
کوله گی خاتو مردک مو ، رفته اوغوشل موشی
نه زیبو نه مذ ذب و نه قوم خوره نیگاه میتنی
اوم اگه زنده بومنی گد ود موشی ، چلول موشی..
بس کونین اوسانه ی خوب و بدی ازخود خو ره
ارغیتا آزاد شودی مو باتور ، او مجل موشی..
اوغیتا اوگل موشی
ارغیتا که یک شودی مو او غیتا اوگل موشی
بی بیم و بی ترس و بیباک تیر از ار کوتل موشی
دیست و پای خو او مجل ده ملک خود دیراز کیده
خوندیی آو و زیمی کوه و بوغول بغل موشی
دشمنو نیبور شوده بایین که مو یک دیست شونی
ارکودام تنا تنا تای پی شوده خاکمل موشی
تا ده کی ده رای خود خو چاه میکنی تالاک میلی ؟
تا ده کی قوده قوده دیرو شوده پلل موشی ؟
تاکه مو یکسرنشنی یکدیست نشنی یکدل نشنی
تا قیامت بار بورده بیگار شوده کوتل موشی
دوستو قومو و بیرارو کجایین تا ده کی ؟!
ارکودام مو دیست ده چوقو شیشته و ماطل موشی .
مو اگه ده فکر صوبای خو نشنی باد از دو روز
کوله گی خاتو مردک مو ، رفته اوغوشل موشی
نه زیبو نه مذ ذب و نه قوم خوره نیگاه میتنی
اوم اگه زنده بومنی گد ود موشی ، چلول موشی..
بس کونین اوسانه ی خوب و بدی ازخود خو ره
ارغیتا آزاد شودی مو باتور ، او مجل موشی..
م. زردادی