کابل پرس: خبری، تحلیلی و انتقادی



پذيرش > حقوق بشر > آزادی بيان > د افغان خبریال وژنې خبریالان په غوصه کړي دي

د افغان خبریال وژنې خبریالان په غوصه کړي دي

شنبه 22 مارس 2014, بوسيله‌ى میرویس جلالزی

په افغانستان کې د فرانس پرس آژانس د افغان خبریال سردار احمد وژني د افغان خبریالانو د کاري مصونیت په اړه اندیښنی نور هم زیاتي کړي دي.
سردار احمد خان، میرمن یي همیرا او دوه پینځه او دری کلن ماشومان یي د جمعې په شپه د کابل په زړه کې د سیرینا په هوټل کې د څلورو تنو طالبانو له لوری د تومانچې په ډزو ووژل شول.
طالبانو ویلي چې د برید د دوي له لوري تر سره شوی او پلان یي درلود هغه دولتي غونده ګډوډه کړي چې به همدې هوټل کې د بهرنیو میلمنو په ګډون جوړه شوي وه.
په افغانستان کې آزادو خبریالانو، د خبریالانو مدافع ټولنو، خپلواکو مدني خوځښتونو او ولسي خلکو د سردار احمد او د هغه د کورنۍ د غړو وژنه په کلکو ټکو غوندلي او هغه یي محکومه کړي ده.
ډیری خبریالان له دغه برید وروسته په غوصه شوي او د دې تر څنګ چي د خپل امنیت په اړه شدیده اندیښنه لري بلکې په طالبانو پوري د منسوبو خبرونو د خپروایي څخه یي هم د دوو اونیو لپاره بای کاټ اعلام کړی دی.
سردر احمد د دریو ماشومانو پلاور وو چې یوازي یو یو نیم کلن ماشوم یي هغه هم په سخت ټپي حالت کې ترینه پاتي شوی چې دمګړۍ په روغتون کې د مرګ او ژوند په پوله پروت دی.
آزادو خبریالانو او یو شمیر خبري ویب پاڼو د سردار احمد خان وژنه په ټولنیزو ویب پاڼو کې په پراخه کچه غندلي او ده غه د ژوند خاطري یي خپري کړي دي.
د فرانس پرس آژانس د سردار وژنه یوه لویه غمیزه بللي او پر حکومت یي غږ کړی چې په دې برخه کې پلټڼي وکړي چې څرنګه ترهګر توانیږي چې له کلکو امنیتي تدابیرو یوه پینځه ستوزي مجلل هوټل ته لاره پيدا کړي.
د حکومت غبرګون:
افغان حکومت وايي برید کونکو کوچنۍ تومانچۍ په خپلو بوټونو کې پټي کړي وي او له همدې امله وتوانیدل چې د سرینا له ساتونکو ځانونه په چالاکۍ سره هوټل ته دننه کړي.
د کورنیو چارو وزیر عمر داود زي هغه تومانچۍ خبریالانو ته اوښودي چې له برید ګرو څخه نیول شوي وی او تر څنګ یي له هغوي سره ګڼ شمیر د مرمیو شاژورونه هم موجود ول.
د وزات په خبره د سرینا هوټل ټول محافظین یي نیولي او ترینه پوښتني پیل شوي دي.
د دغه هوټل داخلي امنیت د یوه خصوصي امنیتي شرکت پر غاړه وو خو په دباندني برخه کې یې ساتنه د ملي پولیسو پر غاړه وه.
په همدې حال کې د سرینا هوټل یوه امنیتي چارواکي رسنیو ته د نوم د پټ ساتلو په شرط ویلي چې برید ګر د لومړي ځل لپاره سرینا ته نه بلکې څو ځله دغه هوټل ته مخکي هم راغلي ول او د میلمنو په جامه کی يي د هوتل امنیتي چاري له نژدې څارلې وي.
دغه چارواکي ویلي چې دی ګمان کوي چې برید کونکو د هغه لایزري سکنر مسول کسان غولولي کوم چې هوټل ته د ننوتونکو کسانو تلاشي کوي.
هغه ویلي دغو کسانو قیمت بها سګرت له ځان سره لرل او کله چې د سکنر کسانو هغوي د وروستي ځل لپاره تلاشي کړي ، سکنر آواز کری او هغوي هغه فلزي سکې له جیب څخه را ایستلي چي ګواکي دغه آواز ماشین د دوي په جیبونو کې د سکو د شتون له کبله کړی او په دې پلمه يي پلټونکي موظفین غولولي دي، په داسي حال کې چې د هغوي په بوټونو کې تومانچې وي او هوتل ته یي لاره پیدا کړي ده.
دا ۵ ځل دی چې په تیرو څو کلونو کې د سرینا پر هوټل یرغل کیږي.
په وروستي برید کې سردار احمد خان، د هغه میرمن همیرا، د هغه یو لور او زوی، یوه نیوزرلنډۍ او یوه کاناډايي میرمن وژل شوي او ۶ نور کسان چې پکې یو هندی او یوه پاکستانی هم شامل دي ژوبل شوي دي.

IP Plans: Best Cloud Web Hosting

Professional web services including fully managed VPS and dedicated servers for businesses and individuals.

Domain Registration - Search and register your domains with IP Plans
Fresh Cloud Shared Hosting with IP Plans
Fully Managed Cloud and SSD VPS with IP Plans
Fully managed Dedicated Servers with IP Plans



آنلاين بنگريد : کابل پرس




51 تن همین اکنون این صفحه کابل پرس را باز کرده اند

پذيرش > حقوق بشر > آزادی بيان > د افغان خبریال وژنې خبریالان په غوصه کړي دي

آگهی در کابل پرس

loading...

پيام‌ها

  • برادران ناراضی کرزی اگر روزی میرویس جانش را از او بگیرند شاید ان وقت این وحشیها را دشمن بنامد.

Kabul Press is the most read news and discussion website from Afghanistan. Our sources provide breaking news stories and images focusing on human rights, freedom of speech and good government issues. We aspire to honest, factual coverage that promotes criticism and informed discourse from our readers, without censorship.