IP Plans

آی پی پلنز

طراحی و راه اندازی سایت های اینترنتی، ثبت دامین، میزبانی وب، وی پی اس و سرور اختصاصی
همین اکنون اقدام کنید

در همین بخش

loading...

صفحه نخست > فرهنگ، ادبیات و هنر > بابر تولدی نینگ 529 ییللیگی مناسبتی بیلن

بابر تولدی نینگ 529 ییللیگی مناسبتی بیلن

اندجانده گی/ بــابــر مــلـی بــاغـیــده
بابر کلتوری انجمنی
يكشنبه 19 فبروری 2012

زمان خواندن: (تعداد واژه ها: )

اندجان، اولوغ شاعر ظهیرالدین محمد بابر توغیلگن مبارک جای. اندجان شهری نینگ جنوبی- شرقی تامانی، باغ شمال حدودیده جایلشگن بابر ملی استراحت باغی اوزبیکستان مستقللیگیدن سونگ کتته قوریلیشلر گواهی بولیب کیلماقده. باغ نینگ مرکزیده "بابر و جهان مدنیتی" نامی بیلن اتلگن کتته بابر موزیمی قد کوتریب، تیموریلر معمارچیلیک صنعتینینگ رمزی بولمیش یوکسک ماوی گنبذی بیلن آدملرنینگ دقتینی اوزیگه تارتیب توره دی. موزیمده بابر و تیموریلر سلاله سیگه تیگیشلی تورلی- تومن تاریخی یادگارلیکلر، کتابلر وقولیازمه حجتلر جایلشتیریلگن. موزیم نینگ آلدیده گی میدانده بابرنینگ نسبتا کتته هیکلی قوریلگن.

موزیم نینگ یوقاری ساحه سیده کابلده گی بابر شاه باغی کورینیشیگه اوخشه تیب، مسجد و بابر نینگ رمزی قبری قوریلگن. رمزی قبرده آگره دن و کابلده گی بابر قبریدن کیلتیریلگن توپراق قوییلگن. آدملر زیارتگه کیلگنده، رمزی قبر اطرافیده اولتیریب فاتحه اوقیب کیته دیلر. بو ییرگه ایککی تاماندن چیرایلی زینه لر بیلن چیقیله دی.

باغ نینگ مدخلی – ایشیگی جاییده مرمر تاشیدن بلند "ارگ دروازه سی" چیرایلی شرقانه اسلوبده قوریلیب باغنی بیزب توره دی. باغ نینگ گوشه- کناریده دم آلیش جایلری، آشخانه، کافی و چایخانه لر موجود و تماشاچیلرگه خدمت قیله دی.
اندجانده گی بابرملی استراحت باغی نینگ باشقه بیرتامانیده آسمه سیم یولی (هوایی واگونلر)، ایشلب توره دی وعلاقمندلرنی تاغ تیپه سیده گی رستورانت و چایخانه لرگه و "باله لر دنیاسی" رصدخانه سیگه ایلتیب- کیلتیریب توره دی.

بابر فوندی رهبریتی قراریگه کوره، باشقه مملکتلرده اوسه دیگن تورلی خیل میوه لی و منظره لی درختلر و تورلی اوسیملیکلر پرورش قیلینماقده. ایریم اروپا دولتلریدن فلمچه سی آلیب کیلیب ایکیلگن زیتون درختلری اوسدیریلیب، اوزبیکستان اقلیمیگه ماسلشتیریلماقده.

بیز قوییده، باغدن آلینگن ایریم فوتولریمیز بیلن حرمتلی اوقوچیلرنی اندجانده گی بابر ملی باغی بیلن تنیشتیره میز.

واژه های کلیدی
آنلاين بنگريد :
loading...
loading...

پیام، نظر، تفسیر یا نقد؟

تعديل از پيش

اين سخنگاه از پيش تعديل مي‌شود: نظر شما پيش از تأييد مديران سايت ظاهر نخواهد شد.

كى هستيد؟
وصل
پيام شما

براى درست كردن پاراگراف، كافيست كه خط خالى ايجاد كنيد.

جستجو در کابل پرس